WORLD MALARIA DAY Observation Lawngtlai District:

Kumtin April 25^th a hman thin WORLD MALARIA DAY chu Lawngtlai District chhunga khaw hrang hrang thlanchuah bik (31) ah te Observation neih a ni a. Heng khawhrang hrang ah te hian MZSRLM (Self Help Group) te nen tangkawpin hun hman ho a ni.

Source Reduction , Awareness Campaign leh Thosilen Chiah (Bed Net Impregnation) na hun te neih a ni bawk. 

Hemi ni vek hian World Malaria Day chu CMO Conference Hall, Lawngtlai ah pawh ANM School, Lawngtlai leh thawktu thenkhat te nen hun hman a ni a. Hemi hunah hian Dr. S. Thaizi, District Malaria Officer chuan World Malaria Day hman tan a nih danleh hman a pawimawh zia te a sawifiah a. World Malaria Day kumtin kan hman thin chhan chu District Malaria tam em em naDistrict, hun rei tak tak kan buaipui tawhna district a nih avangin Mipui lam te leh thaktu te tan pawh ngaia neih a awlsam em em, chumi avang chuan infuih tharna, inzirtir tharna hun atan a pawimawh em em a ni a ti a.

District Consultant, Vector Borne Diseases Control programme hnen atnagin kum 2020 leh 2021 kum chhunga Lawngtlai District a Malaria dinhmuh te thlir ho a ni a. Lawngtlai District chu Mizorama Malaria tamna ber district kan ni a. Kum 2020 chhung zawng khan Mihring 40789 test atangin 4183 Malria postive hmuhchhuah a ni a , Malaria vanga thi 4 an awm bawk. Kum 2021 ah khan mi 34080 atangin 2238 malaria positive hmuhchhuah a ni bawk a, Malaria vanga thi 3 an awm bawk a ni. 

Kum 2022 March thla thleng khan Malaria vei mi 150 hmuhchhuah tawh a ni bawk. 

 Dr. LP Malsawma , Chief Medical Officer pawhin thusawina hun neiin kumin 2022 hian Malaria kan pun hluai a hlauhawnm em em thu a sawi a. Raltlan te kan neih thliah thliah hlawm Mi zawng zawng Malaria laka kan in ven fimkhur a ngai em em ani tih a sawi a. Thosilen zar hnuai mut ngei ngei chu mitin ten Malaria laka kan invenna tha ber a ni tih hriaiin Uluk taka Thosilen sem te hmang hram hram turin min chah a. 

Raltlan te pawh thosilen a theih ang chin chin sem deuh vek a ni tawh a, uluk taka hmang tura inzirtir kan uar a tul hle a ni a ti bawk a.

Lawngtlai District a awm emaw zin kan nih chuan Khawsik thawh phawt chuan Malari arnag thei ang ber a test zung zung tir ngaipawimawh ila, chu chuan Malari vang thihna pawh min pu pelh tir dawn a ni a ti bawk.

 World Malaria Day, 2022 CMO Conference Hal Lawngtlai a hun hmanna neih ah hian Dr. Zothanpari  ChhakchhuakDistrict Medical Superintendent leh Dr. AShok, Doctor Without Border ten an hmanpui bawk.